Scoutz
Numri i postimeve : 30
Pikët : 74
Join date : 21/05/2009
 | | Titulli: Hyseni: Kosova të përfshihet në skemat e liberalizimit të vizave Sat Jun 13, 2009 7:34 am | |
| Hyseni: Kosova të përfshihet në skemat e liberalizimit të vizave Ministri
i Punëve të Jashtme i Kosovës, Skender Hyseni ka pritur të premten në
një takim pune Pierre Mirel, drejtor i Drejtoratit për Zgjerim në
Komisionin Evropian, me të cilin bisedoi për arritjet dhe progresin e
Kosovës në fusha të ndryshme, për bashkëpunimin me EULEX-in etj.Në
një pjesë të madhe të saj, biseda u përqendrua në çështjen e
liberalizimit të vizave dhe në çështjen e pjesëmarrjes së Republikës së
Kosovës në mekanizmat dhe instrumentet rajonale të bashkëpunimit.
Me këtë rast, siç bëhet e ditur në një komunikatë të Ministrisë së
Jashtme, Hyseni nënvizoi rëndësinë vendimtare që ka përfshirja e
Kosovës në regjimin e liberalizimit të vizave.
Përkundër pengesave që dalin si pasojë e mosplotësimit të kritereve
teknike dhe standardeve si dhe si rezultat i mosnjohjes ende edhe nga
pesë shtete anëtare të Bashkimit Evropian, ministri Hyseni kërkoi që të
gjenden modalitete, përmes së cilave edhe Kosova të përfshihet në
skemat e liberalizimit të vizave.
Po ashtu, Hyseni, gjatë bisedës më Mirel potencoi përkushtimin e
Kosovës që në mënyrë unilaterale të plotësojë kriteret dhe standardet e
vendosura nga Komisioni Evropian.
“Kosova ka interes dhe synon të marrë pjesë në të gjitha iniciativat,
strukturat dhe instrumentet rajonale të bashkëpunimit, por është
Republika e Serbisë ajo që po bën çdo veprim të pengojë pjesëmarrjen e
Kosovës në këto struktura. Kosova është e vetëdijshme se bashkëpunimi
në shkallë rajoni është parakusht për integrime të mëtejme
euro-atlantike”, theksoi mes të tjerash ministri Hyseni, i cili po
ashtu i bëri thirrje Bashkimit Evropian që të ushtrojë trysni mbi
Beogradin për të siguruar pjesëmarrjen e Kosovës në nismat rajonale.
Po ashtu ministri Hyseni dhe Mirel biseduan edhe për raportin e
progresit, i cili pritet në vjeshtë si dhe për studimin e fizibilitetit
për Kosovën....... | |
|
