Gibson pranon shtatzëninë e të dashurës

Mel Gibson, gjatë qëndrimit në karrigen e nxehtë në shout të Jay Leno, “The Tonight Show”, ka konfirmuar se e dashura e tij, Oksana Grigorieva, është shtatzënë.

Aktori foli haptas me shoumenin, i cili i bëri pyetje për prishjen e martesës dhe bëri shaka me të rreth daljes me femra të reja, episod ky që do të transmetohet të hënën, më 1 qershor.

“Gruaja ime dhe unë, martesa jonë përfundoi tre vite më herët dhe ne jemi të ndarë që atëherë. Këto gjëra ndodhin. Është gjë e vështirë, është dëshpëruese, por e dini ajo është një grua e shkëlqyeshme, ne kemi fëmijë së bashku. Ne jemi miq...”, ka thënë aktori.

Leno më pas ka bërë shaka duke e pyetur Gibson për të dashurën e tij të re, “Sa vjeçare është ajo, 17, 18?”.

Aktori ka thënë se këngëtarja ruse është 40-vjeçare, para se të pranojë se ajo ishte shtatzënë. “Është e vërtetë. Do të kemi një fëmijë”, ka shtuar Gibson.