Kohler rizgjidhet president i RFGJ-së

Presidenti gjerman, Horst Kohler do të jetë edhe për pesë vjetët e ardhshme president i RFGJ-së

Nga 1.223 delegatët nga federata dhe landet 613 votuan që në raundin e parë për Horst Kohlerin. Sfiduesja e tij socialdemokrate, Gesine Schwan, nuk pati asnjë shans.

Kohler, i cili një ditë më parë bëri një bilanc krenar për 60-vjetorin e Kushtetutës së RFGJ-së, konsiderohej si favorit, sepse Bashkimi Kristiandemokrat-Kristiansocial, liberalët dhe grupimi "Zgjedhësit e Lirë" kanë një shumicë absolute të ngushtë në të ashtuquajturën "asamble federale".

Schwan mbështetej prej Partisë Socialdemokrate dhe të Gjelbërve. Partia e Majtë kishte dërguar në garë kandidatin e vet, aktorin Peter Sodann.

Përpara votimit për zgjedhjen e presidentit politikanë të të gjitha partive, përfshirë presidentin Kohler dhe kandidaten Schwan, u mblodhën në një shërbesë të shkurtër ekumenike në katedralen Shën Hedwigs.