Qeveria e Republikës së Kosovës ka miratuar kërkesën e Ministrisë së Punëve të Brendshme për zgjatjen e orarit të punës nga 1 qershori nga 8 në 11 orë dhe puna të shtunave, si dhe të shtimit të kapaciteteve në qendrat komunale të Regjistrimit Civil dhe në Departamentin e Prodhimit të Dokumenteve. E gjithë kjo – siç u tha në mbledhjen e Qeverisë – do të bëhet veçmas për të lehtësuar nxjerrjen e dokumenteve për njerëzit tanë nga diaspora. 
Qeveria e Republikës së Kosovës, të premten ka miratuar shtatë projektligje të cilat do të procedohen në Kuvendin e Kosovës për miratim, ndërsa ka miratuar edhe kërkesën e Ministrisë së Punëve të Brendshme për inicimin e procedurës për hartimin e dy strategjive: Strategjisë Nacionale për Grumbullimin e Armëve të Paligjshme dhe të Strategjisë Nacionale dhe Planit të Veprimit për Parandalimin dhe Reduktimin e Krimit .
Po ashtu, është miratuar iniciativa e Ministrisë së Punëve të Brendshme për zgjatjen e orarit të punës duke filluar nga 1 qershori nga 8 në 11 orë dhe 8 orë pune të shtunave si dhe të shtimit të kapaciteteve në qendrat komunale të Regjistrimit Civil dhe në Departamentin e Prodhimit të Dokumenteve. E gjithë kjo sipas ministrit Zenun Pajaziti do të bëhet veçmas për të lehtësuar nxjerrjen e dokumenteve për njerëzit tanë nga diaspora.
Qeveria po ashtu ka marrë vendim për hapjen e dy pikave të përkohshme kufitare me Republikën e Shqipërisë në Glloboçicë dhe në Qafë Gjonaj.
Është marrë vendim për caktimin e lokacionit për deponimin dhe magazinimin e mbeturinave dhe materieve të rrezikshme dhe kërkesën e KEK për shpronësimin e pronës dhe pasurisë së banorëve të fshatit Hade, Lagja Shalaj.
Forum 
