Angela Merkel - liderja më e adhuruar evropiane

Kancelarja e Gjermanisë, Angela Merkel është liderja më e adhuruar politike nga britanikët, gjermanët, italianët dhe spanjollët.



Ky është rezultati i hulumtimit të opinionit që është bërë publik nga e përditshmja e Parisit “Figaro”, në të cilin në pozitën e dytë gjendet presidenti francez Nicolas Sarkozy.

Sipas kësaj ankete rreth 65 për qind e të anketuarve janë shprehur pozitivisht për Angela Merkel-in, ndërsa për Sarkozin 51 për qind.

Pasojnë kryeministri britanik Gordon Braun dhe kryeministri spanjoll me nga 45 për qind. Për Silvio Berlusconin mendim pozitiv kanë shfaqur 25 për qind e të anketuarve.

Hulumtimi është bërë në mostrën prej 4.040 banorëve të Britanisë së Madhe, Gjermanisë, Spanjës dhe Italisë.