Ballack edhe një sezon te Chelsea

Michael Ballack ka njoftuar se do të qëndrojë edhe një vit te Chelsea pasi ka arritur marrëveshje për vazhdimin e kontratës me Blutë.


Mesfushori gjerman i ka thënë BBC-së se edhe pse ende nuk është nënshkruar kontrata, ai ka arritur marrëveshje me skuadrën londineze.

“Ende nuk kam nënshkruar, mirëpo jam marrë vesh për të qëndruar edhe një vit këtu”, ka thënë Ballack, i cili ka shtuar se pret që trajneri i Milanit, Carlo Ancelotti, ta marrë timonin e Chesleat nga sezoni i ardhshëm.

“Asgjë nuk është vendosur ende, mirëpo sipas të gjitha gjasave ai (Ancelotti) do të jetë trajneri i ri”, ka shtuar Ballack.