Sarkozy takon Thaçin në Paris

Kryeministri i Republikës së Kosovës, Hashim Thaçi sot do të takohet në Paris me presidentin e Francës, Nicolas Sarkozy. Ftesa nga presidenti Sarkozy vjen në kuadër të takimeve të tij me kryeministrat e rajonit të Evropës Juglindore.



Gjatë vizitës në Francë, kryeministri Thaçi, i cili shoqërohet edhe nga ministri i Punëve të Jashtme të Kosovës, Skender Hyseni, do të zhvillojë një drekë pune edhe me ministrin e Punëve të Jashtme të Francës, Bernard Kuochner.

Gjatë vizitës në Francë, Thaçi do të mbajë një fjalim në Qendrën për Studime dhe Hulumtime Ndërkombëtare (CERI), si dhe një konferencë shtypi në Qendrën për media të huaja.

Kjo është vizita e parë e kryeministrit të Republikës së Kosovës, Hashim Thaçi në Paris, pas shpalljes së pavarësisë së Kosovës. /