Fillon në Durrës stërvitja “Adrion Liveks ‘09”

Në qytetin e Durrësit po zhvillohet stërvitja “Adrion Liveks '09” me pjesëmarrjen e mijëra ushtarakëve nga Shqipëria, Kroaci, Sllovenia, Mali i Zi, Italia dhe Greqia.



Stërvitja është një operacion i përbashkët detar që ndërmerret për të përgatitur forcat detare në raste krizash apo situata të tjera ndërkufitare.

Ky është viti i parë që një stërvitje me përmasa kaq të mëdha zhvillohet dhe drejtohet nga Shqipëria. Në vitin 2006 Adrion është zhvillaur në Itali, në 07 në Greqi, në 08, në Malin e Zi.

Në fjalën hapëse shefi Shtabit të Forcave Detare, Roland Nastro, tha se "synimi ynë është të arrijmë standardet e NATO-s, si vend anëtarë i saj. Demonstrimi i parë po kryhet në anijen luftarake 'Iliria' dhe ka të bëjë me masat kundër zjarrit në anije.

Janë me dhjetëra anije luftarake të të gjithë shteteve pjesëmarrëse që sot kanë zbarkuar në portin e Durrësit, ndërsa nesër nisen për ne Vlorë ku vijon stërvitja detare deri të enjten.