Tragjedi në Devoll - mbytet nëna me dy fëmijët

Një ngjarje tragjike ka ndodhur sot në zonën e Elbasanit, kur rreth orës 09.00 në afërsi të fshatit Rrenas nëna bashkë me dy fëmijët po kalonin lumin në këmbë janë mbytur. Djali 4 vjeçar ka arritur të shpëtojë, ndërsa vazhdojnë kërkimet për gjetjen e trupit të vajzës 8 vjeçare.

Selima Çapja, 41 vjeçe me banim me fshatin Grekan bashkë me dy fëmijët e saj, Xhorxhina 8 vjeç dhe Antonio, 4 vjeç janë përfshirë nga uji ndërsa po kalonin në anën tjetër të lumit Devoll, për të shkruar tek të afërmit.

Uji i rrëmbyeshëm i ka marrë të tre dhe vetëm djali ka mundur të shpëtojë me ndërhyrjen e një banori të fshatit, Azem Mekshi. Ky i fundit ka vrapuar dhe është hedhur në ujë duke arritur të nxjerrë të gjallë djalin katër vjeçar ndërsa për të tjerët nuk ka pasur asnjë mundësi shpëtimi.

Trupi i gruas është gjetur një orë më vonë, disa kilometra nga vendi ku u mbyt ndërsa vazhdojnë kërkimet për të gjetur vajzën e mbytur.

Banorët e fshatrave Rrenas, Grekan e Gjyralë ankohen se nuk kanë një urë për të kaluar në anën tjetër, në fshatin Mollas ku bëhet pazari i çdo jave, kanë lidhje familjar dhe rruga është e mirë për të shkruar drejt qyteteve.

Kjo zonë nga Gostime e deri në Kuçovë vuan për një urë, mungesa e së cilës është kthyer në burim të vazhdueshëm fatkeqësish.