Ronaldo drejt real madridit

Fituesi topit të artë për vitin 2008, Kristiano Ronaldo, megjithatë ka vendosur të largohet nga rradhët e Mançester Junajtedit pas përfundimit të këtij sezoni. Sipas gazetës britanike “The Sun”, portugezi dëshiron të shijojë sfida të reja në karierën e tij pasi që ka arritur maksimumin e tij në fanelën e “djajve të kuq”. Tre tituj në Premier Ligë dhe dy tituj në Ligën e Kampionëve janë të mjaftueshëm për kohën që Ronaldo e kaloi në Mançester. Portugezi të afërmve të tij u ka deklaruar se dëshiron që sezonin e ardhshëm të laujë për skuadrën e Realit të Madridit. Sipas “The Sun”, “mbretërit” duhet të shpenzojnë afro 70 milion paund për të blerë kartonin e futbollistit më të mirë në botë për vitin 2008.