Pacolli do të sigurojë njohjen nga El Salvadori

Kreu i Aleancës Kosova e Re, Behxhet Pacolli do të marrë pjesë në inaugurimin e presidentit të ri të El Salvadorit, Mauricio Funes. Zëdhënësi i AKR-së, Arbër Geci ka thënë se pritet që Pacolli të kthehet me letrat kredenciale për njohjen e shtetit të Kosovës nga El Salvadori.



Gjithashtu ai ka bërë të ditur se gjatë kësaj vizite kryetari i AKR-së do të zhvillojë takime edhe me disa përfaqësues shtetesh të Amerikës Latine nga të cilët do të kërkojë njohjen e republikës së Kosovës.

AKR-ja thotë se nuk janë në luftë më Ministrinë e Jashtme se cila po lobon më shumë dhe po siguron njohjen e Republikës së Kosovës.

Ndërkaq Geci ka pranuar se në prill Pacolli kishte marrë një dokument zyrtar nga kryeministri Thaçi, me të cilinë edhe kishte kërkuar nga El Salvadori që ta njihte Republikën e Kosovës.