Hyseni: Njohjet i sjellim ekskluzivisht ne

Kryeministri i vendit, Hashim Thaçi, gjatë mbledhjes së Qeverisë ka thënë se procesi i lobimit do të vazhdojë në të gjitha qendrat e vendosjes.



Po për lobim është deklaruar edhe ministri i Punëve të Jashtme, Skënder Hyseni, i cili ka thënë se të gjitha njohjet janë meritë ekskluzive e punës dhe progresit që ka bërë Qeveria e Kosovës.

Kabineti qeveritar ka miratuar disa pika, ndër të to edhe kërkesën e Ministrisë së Punëve të Jashtme që në strategjinë legjislative për këtë vit të përfshihen edhe Projektligji për marrëveshjet ndërkombëtare dhe Projektligji për zbatimin e sanksioneve të OKB-së.