Kosova mund të anëtarësohet në KE

Kosova mund të anëtarësohet në KE


Nuk është e domosdoshme që Kosova të jetë anëtare e OKB-së, për
t’u bërë anëtare e Këshillit të Evropës, ka deklaruar të enjten
drejtori i përgjithshëm për demokracinë dhe marrëdhëniet politike në
KE, Jean-Louis Laurens, bën të ditur e përditshmja Lajm.“Nuk
ekziston asnjë dokument, ku thuhet se para anëtarësimit në KE nevojitet
anëtarësimi në Kombet e Bashkuara”, ka thënë Laurens, duke shtuar se,
kjo i jep shans të vërtetë Kosovës, për t’u bërë anëtare e kësaj
organizate.

Për ta marrë vendimin lidhur me anëtarësimin e Kosovës në KE, shpjegoi ai, nevojiten votat e dy të tretave të shteteve anëtare.

Andaj, sipas Laurensit, pothuajse dy të tretat e shteteve anëtare të
KE-së e kanë njohur në mënyrë bilaterale Kosovën, kështu që në mënyrë
logjike votimi për pranim në këtë organizatë, në parim, nuk duhet të
paraqesë probleme, ngase nuk nevojitet unanimiteti.