Mel Gibson blen makinë anti-stres

Aktori Mel Gibson ka harxhuar jo më pak se 100 mijë dollarë në një aparaturë që i ndihmon atij t’i bëjë ballë jetës stresuese.

Ylli i filmit “Braveheart”, gruaja e të cilit, Robyn, aplikoi për divorc në muajin prill, është duke dështuar të përballet me vëmendjen që po fiton kohëve të fundit, dhe ka investuar në një pajisje për të ngritur energjinë pozitive në trup.

“Shumica do ta shihnin këtë aparaturë dhe do të mendonin se Mel ka luajtur mendsh. Ju qëndroni në të dhe i lidhni këmbët aty. Aparatura pastaj emeton ca valë rrotulluese të cilat supozohet se e çlirojnë energjinë, që lehtëson tensionin psikologjik”, ka thënë burimi për revistën National Enquirer.

Mel, e dashura e re e të cilit Oksana Grigorieva, besohet të jetë shtatzënë me fëmijën e tij, raportohet se ka eksperimentuar me disa metoda të ndryshme, por tash është i bindur se ka gjetur mënyrën e duhur për të qëndruar i qetë.