Parlamenti gjerman miratoi edhe një ligj anti-terror

Me votat e koalicionit të madh Parlamenti gjerman ((Bundestag) miratoi edhe një ligj tjetër kundër terrorizimit.



Sipas këtij ligji, në të ardhmen vetëm për planifikimin e kryerjes së një sulmi, të akuzuarit mund të dënohen deri me dhjetë vjet heqje lirie.

Këtu bëjnë pjesë edhe ata persona që ushtrohen në kampet e huaja terroriste dhe planifikojnë sulme në Gjermani.

"Ne reagojmë me këtë ligj ndaj formave të reja të organizimit të terrorizmit. Po ashtu edhe keqbërësit individual të cilët ne i vëzhgojmë gjithnjë e më shumë, në të ardhmen do të mund të marrin dënimin e merituar ", u shpreh ministrja gjermane e Drejtësisë Brigitte Zypries.