Edhe Kosova shënon Ditën Botërore të Mjedisit

Në Ditën Botërore të Mjedisit, më 5 qershor, në vendin tonë hyn në fuqi Udhëzimi Administrativ, i cili parasheh ndëshkime me gjoba mandatore për të gjithë ndotësit e mjedisit.



Me rastin e shënimit të kësaj dite, Ministria e Mjedisit dhe Planifikimit Hapësinor në bashkëpunim me ministritë e tjera dhe komunat, po organizojnë sot një varg aktivitetesh në të gjithë vendin.

Për të shënuar Ditën Botërore të Mjedisit, në mënyrë simbolike në të gjitha shkollat e Republikës së Kosovës, në orën 11 e 55 minuta ra "Zilja e pastërtisë", me ç'rast të gjithë nxënësit dhe arsimtarët, kanë dalë jashtë me qëllim që të pastrojnë dhe rregullojnë hapësirën e ambientit shkollor.

Aktivitet janë shtrirë në të gjithë vendin, ku janë përfshirë edhe sportistët e Kosovës.

Gjithashtu, zyra e UNDP-së në Kosovë, së bashku me vullnetarë të spitalit, të Asociacionit të Gazetarëve Profesionist, dhe të tjerë, pastruan rrethinën e Qendrës Klinike dhe Universitare të Kosovës.