Ish-presidenti i kërcënohet me gjyq Ahmadinejadin

Ish-presidenti i Iranit, Ali Akbar Hashemi Rafsanjani të shtunën lëshoi një deklaratë ku thotë se do ta padisë në gjyq presidentin aktual Mahmoud Ahmadinejad për shpifje gjatë një debati elektoral.



Të mërkurën, Ahmadinejad e akuzoi Rafsanjanin, djemtë e tij, dhe zyrtarët tjerë për korrupsion.

Ndërkohë, laureatja iraniane e Çmimit Nobel, Shirin Ebadi, e ka kritikuar presidentin e Iranit Ahmadinejad për presion të "paprecedent" ndaj aktivistëve për të drejtat e njeriut gjatë administratës së tij.

Në një letër të hapur drejtuar presidentit, Ebadi i bën thirrje atij që "të parandalojë shtypjet politike dhe të sigurisë mbi aktivistët", duke thënë se është "për keqardhje që qytetarët iranianë përdoren për pazarllëk ndërmjet qeverisë dhe të huajve".

Ebadi gjithashtu ka kërkuar rihapjen e zyrës së saj për të drejtat e njeriut, e cila u mbyll nga autoritetet vitin e kaluar.