Berisha: Rezoluta e Konferencës Islamike, akt historik

Kryeministri i Republikës së Shqipërisë, Sali Berisha, ka përshëndetur Rezolutën për Kosovën, të miratuar të hënën në takimin e Damaskut nga ministrat e jashtëm të vendeve anëtare të Organizatës së Konferencës Islamike (OKI).


Berisha, e ka cilësuar këtë miratim si një akt historik në mbështetjen e OKI-t dhe të 62 vendeve anëtare të saj, për pavarësinë e Kosovës, për paqen dhe stabilitetin në rajonin e Ballkanit.

“Kryeministri Berisha falënderon përzemërsisht qeveritë e vendeve anëtare të Organizatës së Konferencës Islamike dhe drejtuesit e kësaj organizate për votimin e kësaj rezolute, si një akt miqësor ndaj një populli mik, ndaj shqiptarëve të Kosovës dhe kombit shqiptar në tërësi”, thuhet në komunikatën e Kryeministrisë së Shqipërisë.