OKB kërkon ndihma urgjente për refugjatët në Pakistan

Kombet e Bashkuara i bën edhe një thirrje urgjente bashkësisë ndërkombëtare që të ndajë më shumë të holla për refugjatët në nevojë në veri të Pakistanit.



Urgjentisht nevojiten 543 milionë dollarë, tha koordinatori i ndihmave humanitare të Kombeve të Bashkuara, John Holmes. Por deri tani janë premtuar vetëm 118 milionë dollarë.

Sipas fjalëve të përfaqësuesit të Kombeve të Bashkuara vetëm gjatë javëve të kaluara rreth 2,4 milionë njerëz kanë braktisur shtëpitë si pasojë e luftimeve në Luginën Swat të Pakistanit. Atje ushtria pakistaneze po lufton kundër rebelëve talebanë.