Dorëzohet lista e kandidatëve për ambasadorë të Kosovës

Dorëzohet lista e kandidatëve për ambasadorë të Kosovës


Pas konsultimeve me presidentin dhe kryeministrin, të premten,
ministri Punëve të Jashtme i Republikës së Kosovës, Skender Hyseni, ia
ka përcjellë Komisionit për Politikë të Jashtme të Kuvendit të Kosovës,
listën e ngushtë me emrat e kandidatëve për postet e ambasadorëve në
tetëmbëdhjetë ambasadat e Republikës së Kosovës.

Me këtë
rast, ministri Hyseni ka falënderuar Panelin intervistues për
përkushtimin e jashtëzakonshëm për ta kryer punën në një afat sa më të
shkurtër.

Paneli intervistues në bazë të pikave të fituara nga kandidatët ka
hartuar listën e ngushtë prej 3 kandidatësh për një post, e cila i
është dorëzuar Komisionit për Punë të Jashtme të Kuvendit.

Ky komision do të mbajë seanca të mbyllura dëgjimore me kandidatët,
para se presidenti të dekretojë ambasadorët për 18 ambasadat e
Republikës së Kosovës.