Mujota kërkon thellimin e bashkëpunimit me Gjermaninë dhe Francën

Ministri i FSK-së, Fehmi Mujota ka zhvilluar të premten takime të ndara pune me ambasadorin e Republikës së Gjermanisë në Kosovë, Hans Dieter Steinbach, dhe me ambasadoren e Republikës së Francës në Kosovë, Delphine Borione.



Në këto takime ministri Mujota informoi ambasadorët me procesin e ngritjes së Ministrisë dhe kapaciteteve të FSK-së, si dhe shprehu gatishmërinë dhe interesimin për thellimin e bashkëpunimit me ministritë e mbrojtjes të Gjermanisë dhe të Francës, me qëllim të rritjes së partneritetit në bashkëpunim, si hap i natyrshëm që e ofron Kosovën më afër integrimit në NATO.

Ambasadorët –siç thuhet në një komunikatë të FSK-së - shprehen gatishmërinë për të informuar qeveritë e tyre për interesimin e treguar nga MFSK-ja, për të thelluar bashkëpunimin përmes arritjes së memorandumeve për bashkëpunim mes ministrive përkatëse, në kuadër të një programi të koordinuar me NATO-n dhe KFOR-in.